“Fortis Academy” Təhsil Mərkəzinin şagirdləri Sumqayıt Kimya Sənaye Parkında olublar.

Əvvəlcə şagirdlərə ölkədə fəaliyyət göstərən sənaye parkları haqqında məlumat verilib və sənaye parklarının fəaliyyəti barədə video-təqdimat keçirilib.

Şagirdlər “Sumqayıt Kimya Sənaye Parkı” MMC-nin nəzdində fəaliyyət göstərən Peşə Təhsil Mərkəzi ilə tanış olublar. Məlumat verilib ki, Mərkəz sənayenin müxtəlif sahələri üzrə 500 nəfər tələbənin təhsil alması üçün nəzərdə tutulub. Hazırda Mərkəzdə veb dizayner və proqram təminatçısı, torna və frezer dəzgahların operatoru, elektrik avadanlıqlarına xidmət və təmir üzrə montyor, proqramla idarə olunan dəzgahların operatoru ixtisaslarında mütəxəssis hazırlığı həyata keçirilir.

Şagirdlər Sumqayıt Kimya Sənaye Parkının rezidenti “Azertexnolayn” MMC-nin Texniki avadanlıqlar və Polietilen məmulatları zavodlarında istehsal prosesi ilə də tanış olublar.