İqtisadi Zonaların İnkişafı Agentliyinin (İZİA) nəzdində Peşə Təhsil Mərkəzinə məktəblilərin mütəmadi olaraq tanışlıq səfərləri təşkil edilir. Bu səfərlərin təşkilində məqsəd ümumi təhsil müəssisələrində təhsilalanların gələcəkdə düzgün peşə seçimi etməsinə və əmək fəaliyyətinə hazırlanmasına dəstək göstərməkdir.

Belə ki, aprel ayı ərzində Sumqayıt şəhərində yerləşən 1, 3, 8, 22, 24, 34, 38 və 41 nömrəli tam orta məktəblərin IX və XI sinif şagirdləri Peşə Təhsil Mərkəzində yaradılan şəraitlə tanış olublar.

Ekskursiyalar çərçivəsində şagirdlərə Peşə Təsil Mərkəzinin fəaliyyəti, Mərkəzdə öyrədilən müxtəlif sənət növləri və peşələr haqqında məlumat verilib və məktəblilərin sualları cavablandırılıb.