Sumqayıt Kimya Sənaye Parkının rezidenti “Tabaterra” QSC tərəfindən “İmperial Tobacco” şirkətinə məxsus Davidoff, West, Imperial Classic və Prima kimi beynəlxalq brendlərin 2019-cu ildən etibarən istehsalı həyata keçirilir.

Şirkət tərəfindən istehsal edilən brendlər keyfiyyət parametrlərinə görə “İmperial Tobacco” şirkəti tərəfindən təltif edilib.

Belə ki, “İmperial Tobacco” şirkəti bütün dünyada yerləşən müqavilə və lisenziya əsasında fəaliyyət göstərən şirkətlər arasında istehsal etdikləri məhsulların keyfiyyət parametrlərinə görə məhz “Tabaterra” QSC-ni birinci yerə layiq görüb.

Qeyd edək ki, “Tabaterra” QSC 2017-ci ilin noyabrında Sumqayıt Kimya Sənaye Parkının rezidenti kimi qeydiyyata alınıb. “Tabaterra” QSC-nin istehsal müəssisəsində hazırda 8 istehsal xətti mövcuddur və burada 3 fərqli formatda, 80 fərqli çeşiddə tütün məmulatlarının istehsalı həyata keçirilir. Müəssisənin illik istehsal gücü 14 milyard ədəd siqaret təşkil edir.