Sumqayıt Kimya Sənaye Parkının rezidenti “STP” MMC-nin Zəfər Ağacı abidəsi Dənizkənarı Bulvarda böyük qələbəmizə həsr olunan “Zəfər” Yarmarkasında nümayiş olunur.

Abidə 44 günlük Vətən müharibəsində canından keçmiş qəhrəman şəhidlərimizin əziz xatirəsini əbədiləşdirmək məqsədi daşıyır. Zəfər ağacı paslanmaya davamlı metaldan hazırlanmış gövdə və budaqlardan, həmçinin budaqlardan asılmış şəhidlərimizin adları yazılmış 3000 metal hərbi adlıqlardan ibarətdir.

Qeyd edək ki, 29 oktyabrdan fəaliyyətə başlayan Zəfər yarmarkası 9 noyabradək davam edəcək.