“Sumqayıt Kimya Sənaye Parkı” MMC-nin nəzdində Peşə Təhsil Mərkəzi fəaliyyətə başladığı müddətdən tələbələrin istehsalat təcrübəsi və təliminə yönləndirilməsi istiqamətində bir sıra dövlət müəssisələri və sahibkarlıq subyektləri ilə müqavilələr bağlayıb. Peşə Təhsil Mərkəzi daha çox sənaye müəssisələri ilə sıx əməkdaşlıq əlaqələri yaradır və mütəmadi olaraq Mərkəzin tələbələri bu müəssisələrdə təcrübə proqramlarında iştirak edirlər.

Bu işlərin davamı olaraq “Sumqayıt Kimya Sənaye Parkı” MMC-nin nəzdində Peşə Təhsil Mərkəzi ilə “MQS” MMC arasında əməkdaşlığa dair imzalanmış Anlaşma Memorandumu çərçivəsində Mərkəzin "Sənayedə quraşdırma işləri üzrə usta" ixtisası qrupunun tələbələri “MQS” MMC-nin istehsalat müəssisəsində təcrübə keçirlər.

Təcrübə proqramına əsəsən mühəndislərdən öyrəndikləri təcrübi biliklər tələbələrə qazanandıqları nəzəri bilikləri daha da mükəmməl qavramağa və real proseslərlə əlaqələndirməyə kömək edəcək. 1 ay ərzində davam edəcək təcrübə proqramında fərqlənən tələbələr işlə təmin olunacaq.