Özbəkistan Səhiyyə Nazirliyi yanında Əczaçılıq Sənayesinin İnkişafı Agentliyinin nümayəndələri Pirallahı Sənaye Parkında olub. Qonaqlara ölkədə fəaliyyət göstərən sənaye zonalarında investorlar üçün yaradılmış əlverişli şərait, tətbiq edilən vergi və gömrük güzəştləri barədə məlumat verilib, sənaye zonalarının təqdimatı keçirilib.

Özbəkistan təmsilçiləri Pirallahı Sənaye Parkında fəaliyyət göstərən müəssisələrlə əməkdaşlıq əlaqələrinin yaradılmasında və Sənaye Parkında birgə layihələrin həyata keçirilməsində maraqlı oduqlarını bildiriblər.

Sonda qonaqlar Pirallahı Sənaye Parkında görülmüş işlərlə tanış olublar.