“Sumqayıt Kimya Sənaye Parkı” MMC-nin nəzdində Peşə Təhsil Mərkəzinin ilk məzunları üçün iyun ayının 18-dən buraxılış imtahanlarına başlanılıb.

İlk imtahan “Veb dizayner və proqram təminatçısı” və “Elektrik avadanlıqlarına xidmət və təmir üzrə elektrik montyoru” ixtisas qruplarının tələbələri üçün təşkil edilib. İmtahanda tələbələrin tədris müddəti ərzində müvafiq peşə üzrə yiyələndikləri bilik və bacarıqları, əmək bazarına hazırlıq səviyyəsi yoxlanılıb.

Peşə Təhsil Mərkəzinin digər ixtisas qruplarının tələbələri üçün imtahanlar 22 və 25 iyun tarixlərində təşkil ediləcək.