“Sumqayıt Kimya Sənaye Parkı” MMC-nin nəzdində Peşə Təhsil Mərkəzində 29 sentyabr 2021-ci il tarixindən ənənəvi dərslər başlayıb.

Peşə Təhsil Mərkəzinin direktoru Mərkəzə qəbul olmuş tələbələrlə görüş keçirib və tələbələrə yeni tədris ilində uğurlar arzulayıb, dəyərli məsləhətlər verib. O, təhsil müəssisəsinin imkanlarından, təhsilin səviyyəsindən danışıb, tələbə-müəllim münasibətlərinə toxunub, Mərkəzdə tərbiyə, təlim məsələlərinin xüsusilə önə çəkildiyini diqqətə çatdırıb.

Qeyd edək ki, “Sumqayıt Kimya Sənaye Parkı” MMC-nin nəzdində Peşə Təhsil Mərkəzində 2021-2022-ci il tədris ili üzrə dərslər 8 ixtisas üzrə həyata keçirilir və Mərkəzdə ənənəvi tədris zamanı mövcud pandemiya şərtlərinə tam şəkildə əməl edilir.