Azərbaycanın kənd təsərrüfatı sahəsində iri şirkətlərindən olan “Agro Dairy” MMC İSO 37001:2016 (“Rüşvətə qarşı idarəetmə sistemi”) sertifikatına layiq görülüb.

Bu sertifikat Amerika Birləşmiş Ştatlarının ən böyük qeyri-hökumət akkreditasiya qurumlarından olan “ANSI National Accreditation Board”da akkreditə olunmuş “Denetik International Certification and Surveillance Services” şirkəti tərəfindən verilib.

Qeyd edək ki, Beynəlxalq Standartlaşdırma Təşkilatının (ISO) 2016-cı ildə təsis etdiyi ISO 37001 standartı rüşvətə qarşı mübarizə sahəsində qlobal səviyyədə qəbul olunmuş yeganə standart hesab edilir.

“Agro Dairy” MMC Azərbaycanda kənd təsərrüfatı sahəsində İSO 37001:2016 (“Rüşvətə qarşı idarəetmə sistemi”) sertifikatını almış ilk şirkətdir.