Avqust ayının 30-dan İqtisadi Zonaların İnkişafı Agentliyinin (İZİA) nəzdində Peşə Təhsil Mərkəzinin Veb dizayner və proqram təminatçısı; Qrafik dizayner; Torna və frezer dəzgahlarının operatoru; Aqroservis mütəxəssisi; Avtomatika üzrə usta; Sənayedə quraşdırma işləri üzrə usta; Proqramla idarə olunan dəzgahların operatoru; Elektrik avadanlıqlarına xidmət və təmiri üzrə elektrik montyoru; İsitmə-soyutma, havalandırma sistemləri və avadanlıqları üzrə montajçı; Mexaniki yığma işləri üzrə çilingər; Elektronika ustası; İnformasiya kommunikasiya texnologiyaları üzrə texnik (Almaniya kurikulumu əsasında ikili təhsil); Kompüter sistemlərində proqramlaşdırma; Sənaye və mülki binalarda elektrik avadanlıqlarının quraşdırılması və istismarı; Proqramla idarə edilən sənaye avadanlıqlarının quraşdırılması və istismarı ixtisaslarına boş qalan yerlər üzrə tələbə qəbulunun II mərhələsinə start verilir.

II mərhələdə müraciətçilər www.portal.edu.az platforması üzərindən elektron formada müraciət edə bilərlər. Boş qalan yerlərə sənəd qəbulu 5 sentyabr saat 17:00-dək davam edəcək.

Yüksək texniki peşə təhsilini müvəfəqiyyətlə başa vuran tələbələr imtahansız (birbaşa) universitetə qəbul olmaq şansı əldə edəcəklər.

Müsabiqədə ümumi və ya tam orta təhsil bazasını bitirən şəxslər iştirak edə bilərlər.

Qeyd edək ki, İqtisadi Zonaların İnkişafı Agentliyinin nəzdində Peşə Təhsil Mərkəzi Sənaye Parkının ərazisində yaradılmış ilk təhsil müəssisəsidir. Ən müasir maddi-texniki baza ilə təchiz edilmiş Mərkəzdə tələbələrin keyfiyyətli təhsil alması üçün hər cür şərait yaradılıb. Mərkəzin təhsil proqramı beynəlxalq təcrübə nəzərə alınmaqla hazırlanıb və dərslər təcrübəli müəllimlər tərəfindən tədris edilir.

Daha ətraflı məlumatı İqtisadi Zonaların İnkişafı Agentliyinin Peşə Təhsil Mərkəzinin (www.ezda.edu.az) saytından əldə etmək olar.

Əlaqə telefonları: (051) 277-37-56, (051) 205-97-54