İqtisadi Zonaların İnkişafı Agentliyinin Peşə Təhsil Mərkəzində “Azərsun Holdinq” Şirkətlər Qrupu ilə bağlanmış memorandum çərçivəsində şirkət əməkdaşlarının texniki bilik və bacarıqlarının təkmilləşdirilməsi məqsədilə təşkil ediləcək təlim kurslarının açılış mərasimi keçirilib.

Tədbirdə hər iki qurumun rəhbər şəxsləri, mütəxəssislər, təlim iştirakçıları, Mərkəzin müəllim-pedaqoji heyəti və tələbələri iştirak ediblər. 

Təlim kurslarının təşkilində əsas məqsəd “Azərsun Holdinq” Şirkətlər Qrupunun əməkdaşlarının mövcud bilik və bacarıqlarını artırılması, onlarda müvafiq sahələr üzrə yeni səriştələrin formalaşdırılmasıdır. Təlim proqramı üzrə dərslər hər iki müəssisənin inzibati binalarında həm nəzəri, həm də praktik formada təşkil ediləcək, təlim proqramını uğurla başa vuran iştirakçılara sertifikatlar təqdim ediləcək.