İqtisadi Zonaların İnkişafı Agentliyinin (İZİA) Peşə Təhsil Mərkəzinə tələbə qəbulunun I mərhələsinin nəticələri açıqlanıb.

Müsabiqədən keçən şəxslər 22-27 avqust tarixlərində (27 avqust saat 18:00-dək) aşağıda qeyd olunan sənədləri Peşə Təhsil Mərkəzinə (Sumqayıt şəhəri, Kimyaçılar küçəsi, 1) təqdim etməklə qeydiyyatdan keçməlidirlər:

-Attestatın əsli;

-Sağlamlıq və fiziki inkişafı özündə əks etdirən müvafiq formalı tibbi arayış;

-Sistemdən (şəxsi kabinetdə) avtomatik çıxarılan ərizə nümunəsi;

-Şəxsiyyət vəsiqəsinin surəti;

-3x4 sm ölçüdə 4 ədəd fotoşəkil;

-Hərbi bilet və ya çağırışçı şəhadətnaməsi;

-Güzəştli şərtlərlə qəbul edilən şəxslər üçün müvafiq təsdiqedici sənəd.

Qəbulun I mərhələsində müsabiqədən keçən şəxsin peşə təhsili müəssisəsində qeydiyyatdan keçməməsi onun həmin ixtisas üzrə təhsil almaqdan imtina etməsi kimi qiymətləndirilir.