İqtisadi Zonaların İnkişafı Agentliyinin (İZİA) Peşə Təhsil Mərkəzinin tələbələri üçün mütəmadi olaraq sənaye müəssisələrinə tanışlıq səfərləri təşkil edilir.

Belə ki, Mərkəzin “Proqramla idarə edilən sənaye avadanlıqlarının quraşdırılması və istismarı”, “Sənaye və mülki binalarda elektrik avadanlıqlarının quraşdırılması və istismarı” ixtisasları üzrə təhsil alan tələbələri Sumqayıt Kimya Sənaye Parkının rezidenti “STP” MMC-nin istehsal müəssisələrində gedən iş prosesi ilə tanış olublar. Səfər çərçivəsində tələbələrə sənaye müəssisələrinin fəaliyyəti, avadanlıqların iş prinsipi, istehsal olunan məhsullar haqqında məlumat verilib və tələbələrin istehsal prosesinə dair sualları cavablandırılıb.

Qeyd edək ki, Peşə Təhsil Mərkəzinin tələbələrinin sənaye müəssisələrinə tanışlıq səfərlərinin təşkili tədris ilinin sonunadək mütəmadi olaraq davam etdiriləcək.