Yevlax Pilot Aqroparkın qeydiyyata alınmış yeni rezidentləri tərəfindən 13 nəfər daimi, 112 nəfər isə mövsümi işlə təmin ediləcək.

İqtisadi Zonaların İnkişafı Agentliyinin (İZİA) idarəçiliyində olan Yevlax Pilot Aqroparkda daha 2 sahibkarlıq subyektinə rezidentlik statusu verilib, bununla da Aqroparkın rezidentlərinin sayı 17-yə çatıb.

Yeni rezidentlər (Məhərrəm Əsgərov və "Balxurma" MMC) tərəfindən 61,1 hektar sahədə investisiya həcmi 640 min manat olan intensiv meyvə bağları salınacaq, 13 nəfər daimi, 112 nəfər isə mövsümi işlə təmin ediləcək.