İqtisadi Zonaların İnkişafı Agentliyinin (İZİA) Peşə Təhsil Mərkəzi ilə “Delfin Caspian” MMC arasında əməkdaşlığa dair Anlaşma Memorandomu imzalanıb.

Sənədə əsasən “Delfin Caspian” MMC-nin əməkdaşları tərəfindən Mərkəzin “Sənayedə quraşdırma işləri üzrə usta” və “İsitmə-soyutma, havalandırma sistemləri və avadanlıqları üzrə montajçı” ixtisasları qruplarında təhsil alan tələbələri üçün iri həcmli polimer boruların qaynaq edilməsi üzrə mütəmadi olaraq praktiki dərslər təşkil ediləcək.

Bundan başqa Peşə Təhsil Mərkəzinin tələbələri “Delfin Caspian” MMC tərəfindən həyata keçiriləcək layihələr zamanı (işlərdə) təcrübi dərslərə cəlb ediləcək. Təcrübə proqramını uğurla başa vuran tələbələrə sertifikatların verilməsi nəzərdə tutulur.