Martın 4-də İqtisadi Zonaların İnkişafı Agentliyinin nəzdində Peşə Təhsil Mərkəzində psixoloq Hüseyn Xəlilov tərəfindən Mərkəzin tələbələri və əməkdaşları üçün “Mikro ifadələrin yalanla əlaqəsi” mövzusunda təlim keçirilib.

Təlimin keçirilməsində məqsəd insanların yalan danışmamaları, yalan ifadələrin verilməsinin qarşısını almaq və onun şəxlərarası münasibətlərə mənfi təsir göstərməsi barədə tələbələri maarifləndirməkdir.

70-ə yaxın tələbə və əməkdaşın iştirak etdiyi təlimdə  tələbələrlə müxtəlif psixoloji testlər və interaktiv fikir mübadiləsi aparılıb.

Eyni zamanda tədbir zamanı tələbələrin sualları cavablandırılıb və bu sahədə onlara tövsiyələr verilib.