"Azərbaycanda peşə təhsilində 4D (ikili təhsil, rəqəmsallıq, tələb, müxtəliflik) üzrə tərəfdaşlıq layihəsi çərçivəsində İqtisadi Zonaların İnkişafı Agentliyinin Peşə Təhsil Mərkəzi, Sumqayıt Kimya Sənaye Parkının rezidenti “4MAPS Bilgi Teknolojileri” MMC və Almaniyanın Baden-Vürtemberq İqtisadiyyatının Təhsil institutu arasında üçtərəfli görüş keçirilib.

Görüşdə Peşə Təhsil Mərkəzində Almaniya kurikulum təhsil sistemi əsasında tədris edilən “İnformasiya kommunikasiya texnologiyaları üzrə texnik” ixtisası qrupunda təhsil alan tələbələrin cari tədris ilindən etibarən “4MAPS Bilgi Teknolojileri” MMC-də təcrübə keçməsi məsələsi müzakirə edilib və bu barədə razılığa gəlinib.