Yanvarın 14-də İqtisadiyyat Nazirliyinin İqtisadi Zonaların İnkişafı Agentliyinin nəzdində Peşə Təhsil Mərkəzinin və Sumqayıt Şəhər Gənclər və İdman Baş İdarəsinin təşkilatçılığı ilə “Qarabağ” mövzusunda “Nə? Harada? Nə zaman?” bilik yarışı keçirilib.

Peşə Təhsil Mərkəzinin binasında keçirilən yarışda 8 komanda – “Qarabağ”, “Xarı bülbül”, “Dəmir yumruq”, “Birlik”, “Zəfər”, “Qələbə”, “Odlar yurdu”, “Mübariz” komandaları iştirak edib.

5 mərhələdən ibarət olan yarışda tələbələrə Azərbaycan və dünya tarixi, dünyagörüşü və s. barədə 50 sual verilib.

Yarışda “Qarabağ” komandası birinci, “Dəmir yumruq” komandası ikinci, “Mübariz” komandası isə ücüncü yeri tutub.

Qaliblərə medallar, fəxri fərmanlar və hədiyyələr təqdim edilib.