İqtisadi Zonaların İnkişafı Agentliyinin nəzdində Peşə Təhsil Mərkəzində “Gənclərin karyera inkişafına dəstək” layihəsi çərçivəsində “Karyera planlama və iş dünyasına hazırlıq” mövzusunda təlim keçirilib.

Təlimin keçirilməsində məqsəd gəncləri karyera və əmək bazarına inteqrasiya olunmasını təmin etmək və bu məqsədlə onlara müasir iş axtarışı bacarıqlarının aşılanmasıdır.

İştirakçılara karyera planlaması, komandanın qurulması, düzgün təqdimat etmək bacarığı, müsahibəyə hazırlıq, maraq və istək məktublarının, CV, rezume yazılması və digər mövzular üzrə nəzəri və praktik biliklər öyrədilib.

Tədbir çərçivəsində həmçinin, təlim iştirakçıları ilə müzakirələr aparılıb və onları maraqlandıran suallar cavablandırılıb.